aski tenu kaamkettaanuus
!
oNTe dEsu
rajo oNTe tETu hibbi rhii teka prajaan sento vatto keratte vEL
‘mii elyo dEsu rajo; mii jato dusura
tenu askinu mor kaamkettaanu menatte khobbim havTanjavaLLan hOnaa’
meni menesi.
telyo aikilEt
hote oNTe oLDu, rajaak sommar avi ‘tumi
sangariyo serko nhaa; aski tenu ojanaak ojano kaamkettaanuus; emaam tiiL sEru
meLLi sendEv nhii’ meni menesi.
telyo aike
rajaak raak jhuku avDiyo. ‘tii kOnak,
mor vattaak cheDi tumi vatto kerariyo? ture vaadam serko nhaa; hoyeti meLLi, tumi
oNTe oLDu menatte haali, tunko mii kShaminchariyo’ meni menesi.
te vEL,
telyo oLDu ‘rajaanuu ! mor vatto nijam hoyeyo menatte mor haali ruju kerattak
musayi’ meni menesi. Rajo meLLi, ‘serkas, ruju keruvo’ meni menesi. ‘oke vELum ruju kerattak museni meneti,
tunko teka hOntaye deNDano abbayi’ meni sommar suuchano (eccharikke)
keresi.
hoyeti
meLLi, elyo oLDu telyo savaal kan khaLLi, ‘rajaanuu
! elyo mor haatu gude ruvvo gheTi dherli
rhavo; mii mor dhovat (vET) serko kETur
bhandullusu’ meni menesi. rajo meLLi
telyo gude khaLLi, dherliis hotesi.
oLDu
nidaankan teka dhovat serko bhandilli ruvvo gheTi pharaatu teka gude rajo jovaL
rhii khaLLesi. Phalcho rajo jovaL menesi ‘rajaanuu
! mii mor savaalum jeginchittiyo’ meni sontOShkan reccha kuut tagesi.
Rajo ‘tii, kOnak ‘meni pusesi.
‘Mii sange dhaanuk mor gude tumi
dherli hotyaasi. mii kEr mene kaam tumi kertyaa; teka haali tumi meLLi oNTe
kaamkettOs’ meni
telyo oLDu spaShTamkan menesi.
oLDuk sEtte buddhi
chaaturyam rajo slaaginchi, tenduus rhii teka oNTe mukhyam hoye aalOsano
adhikaari kan thovlesi.
No comments:
Post a Comment